વડાપ્રધાન મોદી આજે 11.40 કલાકે ઉમેદવારી નોંધાવશે: ભાજપ-એનડીએના ઘણા નેતાઓ હાજર રહેશે, PM ત્રીજી વખત વારાણસી બેઠક પરથી ચૂંટણી લડશે
![top-news](https://gujaratvandan.com/public/uploads/images/newsimages/GujaratVandan14052024_045732_PM Modi New.webp)
- 14 May, 2024
વડાપ્રધાન નરેન્દ્ર મોદી આજે ઉત્તરપ્રદેશની વારણસી લોકસભા બેઠક પરથી પોતાની ઉમેદવારી નોંધાવશે. આ દરમિયાન ભાજપ અને એનડીએ ગઠબંધનના ઘણા નેતાઓ પણ તેમની સાથે હાજર રહેશે. જોકે આ પહેલા વડાપ્રધાન નરેન્દ્ર મોદી બનારસમાં દશાશ્વમેધ ઘાટ જશે અને સવારના 10 વાગ્યે કાલ ભૈરવ મંદિરના દર્શન કરશે. અત્રે નોંધનીય છે કે PM મોદી ત્રીજી વખત વારાણસી બેઠક પરથી ચૂંટણી લડી રહ્યાં છે.
PM મોદી ઉમેદવારી ફોર્મ ભરે તે પહેલા ગંગા નદીમાં ડુબકી લગાવશે. તેમજ તેઓ સવારે 10.45 વાગ્યે નોમિનેશન ભરતા પહેલા NDA નેતાઓ સાથે બેઠક કરશે. તે પછી વડાપ્રધાન સવારે 11.40 કલાકે વારાણસી લોકસભા બેઠક પરથી નામાંકન ભરશે. ઉમેદવારી પત્ર ભર્યા બાદ વડાપ્રધાન નરેન્દ્ર મોદી ઝારખંડ જવા રવાના થશે. નોંધનીય છે કે આ બેઠક માટે લોકસભા ચૂંટણીના સાતમા અને અંતિમ તબક્કામાં પહેલી જૂને મતદાન યોજાવાનું છે.
વારાણસી લોકસભા બેઠક માટે અંતિમ તબક્કામાં પહેલી જૂને મતદાન યોજાશે. આ માટે ઉમેદવારી ફોર્મ ભરવાની પ્રક્રિયા સાતમી મેથી શરૂ થઈ ગઈ છે. લોકસભા ચૂંટણીના ચોથા તબક્કામાં 10 રાજ્યોની 96 બેઠકો પર 13મી મેએ મતદાન થવાનું છે. આ 10 રાજ્યોમાં આંધ્રપ્રદેશ, બિહાર, ઝારખંડ, મધ્ય પ્રદેશ, મહારાષ્ટ્ર, ઓડિશા, તેલંગણા, ઉત્તર પ્રદેશ, પશ્ચિમ બંગાળ, જમ્મુ-કાશ્મીરનો સમાવેશ થાય છે. ઉલ્લેખનીય છે કે પહેલા તબક્કામાં કુલ 59.71 ટકા, બીજા તબક્કામાં 60.96 ટકા અને ત્રીજા તબક્કામાં 61.45 ટકા મતદાન થયું હતું.
ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ
https://shorturl.at/hjzN0
ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ